Sykkylven Næringsutvikling


Sykkylven Næringsutvikling AS er eigd av Sykkylven kommune og Sykkylven Industri- og næringslag. Selskapet har som formål å bidra til lokal utvikling og næringsutvikling i Sykkylven.

Les Mer

10 Prosjekt


”10 prosjekt for SKAPARGLEDE” er Sykkylven Næringsutvikling AS si handlingsplan for vidare utvikling av skapargleda i Sykkylven

Dei 10 projekta er:

  • SKAPARGLEDE som omdøme
  • SKAPARGLEDE gjennom nyetableringar og vidareutvikling av næringslivet
  • SKAPARGLEDE og utvikling av kommunale tenester
  • SKAPARGLEDE i skulen
  • SKAPARGLEDE, kultur og næring
  • SKAPARGLEDE og naturen
  • SKAPARGLEDE og reiseliv
  • SKAPARGLEDE i sentrums- og bygdeutviklinga
  • Infrastruktur for SKAPARGLEDE
  • Open post – Vi er open for SKAPARGLEDE og nye idear frå de

"Folk ønsker å bo på trivelige steder med et variert kultur- og fritidstilbud"

Næringsfondet i Sykkylven


Kva er næringsfondet i Sykkylven?

Næringsfondet er ei støtteordning som skal nyttast til å styrke nyetableringar, innovasjon og næringsutvikling i Sykkylven kommune. Fondet kan også nyttast til vidareutvikling av eksisterande verksemder. 

Prosjekt som fremjar entreprenørskap hos unge, kvinner og innvandrarar vert oppfordra til å søkje næringsfondet. 

Etableringar som er nyskapande og som gir moglegheit for mange nye arbeidsplassar vert spesielt prioritert.

 

Kven kan søkje næringsfondet?

Næringsfondet skal nyttast  til bedriftsretta tiltak (direkte stønad til bedrifter) og til nyetablerarar og gründerar. Prosjekt med potensiale for fleire arbeidsplassar skal prioriterast.

Mål og prioriteringar i næringsplana til Sykkylven kommune vil bli lagt til grunn for vurderingane av kven som får støtte.

 

Kva kan du søkje om?

 

  • Stønad skal ikkje utgjere meir enn halvparten av dei kostnadane som er godkjende i stønadsgrunnlaget (den godkjende kostnadsplanen som ligg til grunn for etableringa).
  • Det kan ikkje løyvast stønad til ordinær drift
  • Bedriftsretta stønad skal ikkje vere konkurransevridande lokalt
  • Stønaden skal ha ein utløysande effekt på tiltaket som vert støtta
  • Stønad vert gitt primært som tilskot
  • Investeringar som vert gjort før søknad om stønad frå næringsfondet er handsama skjer på eigen risiko for søkjaren
  • For å få stønad må investeringar/prosjekt som det vert søkt stønad til gjennomførast innan 12 månader etter at tilsegn om stønad er gitt. Søkjar kan søkje om utsetting.
  • Utbetaling av tilsegn gitt frå næringsfondet skjer i etterkant når kostnaden kan dokumenterast i samsvar med søknad og tilsegn
  • Næringsfondet kan ikkje nyttast til teikning av aksjar, betaling av renter/avdrag eller garantiar for bedrifter
  • Det kan ikkje gjevast stønad til fysiske infrastrukturtiltak i kommunen
  • Stønad frå næringsfondet må haldast saman med annan offentleg stønad, slik at samla stønad er innanfor gjeldande retningsliner
  • Det kan ikkje gjevast stønad som er i strid med internasjonale avtalar der Noreg er part. Det kan derfor ikkje gjevast stønad til primær stålproduksjon, til transport eller til direkte eksportkostnader, inkludert etablering og drift av distribusjonsnettverk
  • Elles vert til ein kvar tid gjeldande retningsliner frå Møre og Romsdal fylkeskommune og frå Kommunal- og regionaldepartementet (kapittel 551, post 60 Næringsretta midlar til regional utvikling) lagt til grunn i vurderinga

Døme på kva bedrifter kan søkje stønad til:

  • Nyetablering/bedriftsutvikling
  • Produktutvikling
  • Marknadsføring
  • Kompetanseheving i bedrifta

 

Korleis søkje næringsfondet?

Tilsegn frå næringsfondet vert behandla i fondsstyret 2 – 3 gonger pr år.   Søkandsfristen er no løpande, og søknader vert vanlegvis behandla på neste møte etter at søknaden er levert, eller så snart som råd er.

 

 

 

Bedriftsretta tiltak – nyetablering

  • Søkjar må levere skriftleg søknad gjennom regionalforvaltning.no, med vedlagt forretningsplan
  • Stønad vert gitt berre til søkjarar som har gjennomført oppstartssamtale (1 time rettleiing om forretningsplan) med hoppid-kontoret hos Sykkylven Næringsutvikling AS. Søkjar tek sjølv initiativ til oppstartssamtalen og vil då få utdelt:
    • Skjema for søknad til næringsfondet
    • Agenda for møtet
    • Oversikt over kriterier som søknaden vil bli vurdert ut i frå
  • Søkjarar vert etter behov, invitert til å halde ein kort presentasjon av prosjektet for styret i Sykkylven Næringsutvikling AS.
  • Styret i Sykkylven Næringsutvikling AS gjer endeleg vedtak om kven som får stønad
  • I.h.t. rutiner for gjennomføring av prosjekta skal Sykkylven Næringsutvikling AS delta i møte med støttemottakar, i startfasen, under og i avslutningsfasen av prosjektet.
  • Desse møta vil verte fakturerte etter gjeldande timesatsar, avgrensa oppover til maks. 5 % av støtte beløpet, og dette beløpet kan sjølvsagt nyttast som ein del av dei godkjende utgiftene i prosjektet.
  • Det er støttemottaker sitt ansvar å avtale og gjennomføre desse møta.
  • Etter forvaltningslova har ein rett til å klage på vedtak ved søknad til næringsfondet. Klage rettast til styret i Sykkylven Næringsutvikling AS for ny handsaming. Viss styret opprettheld sitt vedtak, går klaga automatisk vidare for handsaming i formannskapet i Sykkylven kommune.
  • Utbetaling frå næringsfondet skjer ved at dagleg leiar i Sykkylven Næringsutvikling AS tilrår utbetaling, medan rådmannen tilviser utbetaling.

Bedriftsretta tiltak – vidareutvikling av eksisterande verksemd

For støtte til vidareutvikling av eksisterande verksemd gjeld i utgangspunktet same retningslinjer som for støtte til nyetablering, men sakshandsamar kan vise skjøn i høve til kva som er naudsynt prosedyre og bakgrunnsinformasjon for ein søknad frå ei eksisterande verksem.

Jarle Strømmegjerde

Dagleg leiar/hopp-id kontakt

Mob: +47 90 83 68 62

Mail: jarle@skaparglede.no

Grethe Loland

Administrasjon

Mob: +47 96 01 24 10

Mail: grethe@skaparglede.no

Kontakt


For å kontakte oss benytt skjema til venstre eller kontakt:

Jarle Strømmegjerde

e-mail: jarle@skaparglede.no

Sykkylven Næringsutvikling AS

Sykkylvsvegen 125
6230 Sykkylven

Mobil 90 83 68 62